بہت تیز ہوا چل رہی تھی اور بادل بھی سر پہ سفر کر رہے تھےجب میں بازار سے گھر کے لئے نکلا مجھے یہی ڈر تھا کہ میں کہیں بارش میں بھیگ نہ جاؤں میں نے اپنی سائیکل کی رفتار بڑھا دی میں نے سوچا تھا کہ بادلوں کے برسنے سے پہلے میں گھر پہنچ جاؤں گا مگر سوچ کب ساتھ دیتی ہے آخر وہی ہوا میں گھر پہنچنے سے پہلے ہی بھیگ گیا جب بارش نے مجھے اپنی لپیٹ میں لے لیا تو پھر میں نے بھی سوچا الله کے بندے اب سائیکل بھگانے کا کوئی فائدہ نہیں جو نہیں چاہتا تھا وہ تو ہو گیا اس لئے اب بہتر ہے سائیکل کی رفتار کم کر لی جائے اس سے پہلے کہ یہ پھسل جائے اور میں اپنی ہڈی پسلی تڑوا لوں تو میں نے سائیکل کی رفتار کم کی اور بھیگا ہوا گھر پہنچا۔جیسے ہی گھر پہنچا ماما نے دیکھتے ہی کہا بارش ہو رہی تھی تو کہیں رک جاتے بھیگ کر آ گئے ہو اور تمہاری بیماری سے مجھے ڈر لگتا ہے پھر جلدی ٹھیک بھی نہیں ہوتے۔ہاتھ میں تولیا پکڑے مجھے خشک کرتے ہی انکی بات ختم ہوئی تو میں نے کہا ماں جی فکر نہ کیا کریں ویسے بھی میں جان بوجھ کر نہیں بھیگا میں نے تو چاہا تھا کہ میں بارش برسنے سے پہلے گھر پہنچ جاؤں مگر شائید بادلوں کو میرا یہ چاہنا پسند نہیں آیا اور انہوں نے مجھے بھگو دیا۔ماما مسکرا دیں۔۔۔کہنے لگیں چلو اب کپڑے بدل لو اور کھانا کھا لو۔ماں کی مسکراہٹ دیکھ کر تو زندگی بن جاتی ہے پھر آپ سب دکھ بھول جاتے ہیں۔میں نے کپڑے بدلے کھانا کھایا اور اپنے بستر میں لیٹ گیا اور فون چلاتے ہی فیسبک سکرول کرنے لگا کہ اتنے میں مجھے بجلی کی زناٹے دار آواز نے ڈرا دیا جو کہ غالبًا کہیں گری تھی ابھی میں اس آواز کے صدمے سے باہر نہیں آیا تھا کہ بجلی بھی بند ہو گئی خیر میں نے ان سب چیزوں سے بے پرواہ ہوتے ہوئے اپنی رضائی اپنے منہ پہ اوڑھی اور پھر فون میں گھس گیا۔ابھی 10 منٹ ہی فیسبک چلائی ہو گی کہ نیٹورک والوں کا میسیج آگیا۔۔۔آپ کا نیٹ پیکج ایکسپائر ہو گیا ہے مزید انٹرنیٹ چلانے کے لئیے اپنا اکاؤنٹ ریچارج کریں شکریہ۔میں نے میسج دیکھتے ہی سر پہ ہاتھ مارا اوہ تیری یہ بھی اب ہی ہونا تھا خیر میں نے فون ایک طرف رکھ کر سونے کا فیصلہ کیا اور فون کو رکھتے ہی میں نے داہنی کروٹ لی ہی تھی کہ پھر بجلی کی گرج نے مجھے ہلا دیا میں نے منہ پر سے رضائی ہٹائی تو ہر طرف اندھیرا چھایا ہوا تھا کچھ بھی نظر نہیں آرہا تھا میں اچانک سے گھبرا گیا میری گھبراہٹ ابھی کم نہیں ہوئی تھی کہ بجلی نے پھر اپنا زور دکھایا اس بار تو سچ میں ڈر گیا میں مجھے کچھ سمجھ نہیں آرہی تھی کہ میں کیا کروں میں اسی کشمکش میں تھا کہ مجھے ایسا لگا جیسے کوئی میرے اندر سے بول رہا ہو۔۔۔۔"زرا سوچو اگر ایسا ہو کے تمہیں تمہاری ہر آسائیش سے دستبردار کر دیا جائے تم سے سب کچھ چھین لیا جائے اور تمہیں ایسے ہی لاوارث چھوڑ دیا جائے تو تم کیا کرو گے۔۔۔یہ جو چیزیں ہیں یہ جو رشتے ہیں اگر سب کچھ تم سے چھین لیا جائے تو کیا کرو گے۔۔۔یہ جو جوانی ہے یہ جو طاقت ہے یہ جو حُسن ہے تم سے لے لیا جائے تو تم کیا کرو گے۔۔۔کبھی سوچا ہے یہ کس کی عطا ہے۔۔۔کبھی سوچا ہے یہ سب فنا ہونے والا ہے اور تم پھر بھی اسے ہمیشہ سمجھتے ہو حالانکہ ہمیشہ کچھ بھی نہیں اس دنیا میں سب عارضی ہے سب کچھ۔۔۔تو پھر تم کیوں بھاگتے ہو اس سے جو ان سب کا خالق و مالک ہے جب کے تمہیں بھی ایک دن اسی کے پاس جانا ہے تم بھی ہمیشہ نہیں ہو۔۔۔جیسے ہی یہ گفتگو ختم ہوئی اچانک میری آنکھیں چندھیا گئیں میں نے آہستہ سے آنکھیں کھولیں تو بجلی آچکی تھی اور باہر کا موسم بھی قدرے تھم چکا تھا اور میں حیران تھا کہ یہ ہوا کیا۔۔۔۔مگر جو بھی ہوا میں ایک بات سمجھ گیا کہ کچھ بھی یہاں ہمیشہ نہیں ہے۔۔۔۔۔۔۔۔

اویس احمد